نجم ستااااااار اكاديييييييمي .. من اللي بيمشي كلامه ؟؟؟؟؟؟ .. ومستقبل الباقين!!!!!!

من طرف مليسا الثلاثاء مايو 06, 2008 6:30 am

الموسم الخامس من ستار اكاديمي من الإنتهاء , وصار الكثير من جماهير المتسابقين ينتظرون لحظة الحسم , وعشان كذا تلاحظون انه زادت العصبية وحدة الخلافات بين جماهيرهم .. خصوصا المتنافسين الأقويا او اللي بينهم خلافات ..

عموما لازم ما ننسى ان الجائزة ما تصنع نجم .. وانها مجرد جائزة مالية .. ويفترض تكون شرفية .. لو ماكانت ملطخة بالخلافات والفضايح بين الإخوة واللي وصلت اصدائها للشارع العربي خصوصا من فئة من الناس ما تعرف شيء اسمه الرأي الأخر .. وتحولت المسابقة مِن من اللي بستحق اللقب الى من اللي بيمشي كلامه !!!!

الشي اللي لازم نفهمه ان غالبية الطلاب .. وخاصة اللي وصلوا للمرحلة هذي اظهروا تقريبا اللي عندهم .. وصار كل منتج او معني بالفن يفهم ايش عندهم .. واللي اثبت نفسه بجدارة يقدر يكمل مشواره بسهولة اكبر بعد ما يتخرج وحتى بدون مساعدة ال بي سي ..

وبقي للمتسابقين اهم نقطة وهي تقبل الجمهور لهم بعد الأكاديمية .. طبعا مشاركتهم ساهمت في كسبهم جمهور كبير يحبهم واحيانا مجنون ومتعصب لهم .. وفي نفس الوقت خسارتهم لجمهور ثاني يبغضهم اويكرههم .. كل هذا إنعكاس لسلوكهم وتصرفاتهم وتأثرا بشخصياتهم المحببة او غير المحببة .. والمفروض انهم وضعوا هذا الكلام في حسبانهم خصوصا وهم استفادوا من تجارب المتسابقين في الأجزاء السابقة.

================================================== ===

طبعا اللي فات هذا هو نظرتي بحيادية لمجرى الأمور ...

وهذي توقعاتي لمستقبل بعض الطلاب .. وطبعا لما تتوقع شي فلازم يكون فيه شيء من الخيال لأنك ما تبني رأيك على حقائق .. والعلم بالغيب عند الله سبحانه وتعالى .. ويمكن اكون هنا متأثر بموقفي من يعض الطلاب ( يعني اتكلم عن نفسي .. الي يخالفني يقول رأية بالعقل والمنطق )
وراح اتكلم عن عيوب كل الطلاب حتى اللي اشجعهم و بدون زعل .. كلا له رأيه .. والكيبورد قدامك

=================

عبدالله مرشح قوي للستار .. صوت رائع رغم صغر سنه .. ويغني بعدة لغات ولهجات .. ولكن اراه في الفن الخليجي أكثر ابداع ويمكن يغني بلهجات اخرى .. واتوقع مع الوقت وبعد تعافيه انشاء الله بيزداد صوته روعة .. وبرضه شكله وطلته للجمهور...

خسر الكثير من الجماهير .. بسبب كلامه عن زميله واعتقادهم انه نمام وغير متسامح

=================

محمد قويدر مرشح قوي للستار .. صوته رائع .. وعنده حضور مسرحي .. ويبدع في الأغاني الشامية الشعبية .. واتوقع انه بيدخل مجال الغناء بسهولة .

خسر الكثير من الجماهير وكذلك زملائه .. بسبب اعتقادهم بغروره ومكابرته على الجميع وتصرفه على اساس انه الأفضل وبعض التصرفات العدوانية ..و إذا ما تخلص منها بتتحول للساحة الفنية .

=================

شاهيناز مرشحة قوية للستار .. صوتها رائع .. واتوقع دخولها لمجال الغناء مع احتمال دخولها مجال التمثيل .. واتوقع بعد ان وزنها بيتحسن وبتكون طلتها اجمل (مثل غالبية الفنانات)

خسرت الكثير من الجماهير بسبب كلامها على زملائها

=================

نادر مرشح للستار .. صوته رائع في الأغاني الأجنبية وخصوصا الفرنسية .. وشكلة وحظورة جميل على المسرح .. ما اقدر اتوقع لجهلي بالأغاني الفرنسية .. لكن شعبيتها عربيا قليلة .. عدا لبنان والمغرب العربي .. لكن نتمنى يكون فنان عالمي

خسر بعض الجماهير بسبب غموضه او حيرته احيانا .. ومحاولته لكسب الجميع بدون اظهار موقف ثابت

=================

سعد مرشح للستار .. صوته جميل خصوصا في الإغاني اللبنانية .. وكذلك حضورة على المسرح جميل .. اعتقد بان الأكاديمية بتساعده كثير في الوصول .. وعموما هو يستاهل

خسر بعض الجماهير بسبب علاقته مع ضياء .. وبسبب دلال رولا الزائد له

=================

ميما مرشحة للستار .. صوتها جيد .. ولديها كاريزما وحضور مميز .. ممثلة رائعة ومبتكرة .. اراها اكثر في مجال التمثيل خصوصا وانها من عاصمة السينما العربية .. كما اراها في البرامج الغنائية مثل الفوازير .

خسرت بعض جماهيرها .. بسبب تحررها نسبة للفتاة المصرية

=================

زاهر .. طلع من الأكاديمية .. صوته جيد .. كاريزما وحضور قوي .. يغني بعدة لغات .. اراه كمغني او مقدم برامج خفيفة ومسابقات .. وممكن يصور مقالب الكاميرا الخفية

=================

واخيرا وبشكل عام ومختصر .. المتسابقات من المغرب العربي .. كانت اصواتهم متفاوته بالعربي ولكن اقل من مستويات السنوات الماضية .. مثل بهاء واماني .. بإستثناء اسماء اللي خرجت مبكرا .. ولكن في الأجنبي اصواتهم جميله خصوصا ضياء .. وايضا حضوهم جميعا جميل .. وبشوشا عندها كاريزما مميزة وقد تكون مقدمة برامج او ممثلة بالإضافة للغناء .. وضياء صوتها رائع بالفرنسي ونتمنى تكون فنانه عالمية ..

=================

عموما ارى المسابقين من الخليج والمغرب العربي مظلومين اكثر من ناحية الدعم من الأكاديمية بعد انتهائه .. وكذلك من ناحية الغناء بلهجاتهم الأصلية .. وان كان الغناء بالخليجي اكثر .. إلا ان المغرب العربي يستعيضون بالغناء بالفرنسية اكثر .

ما اتمنى هو انتهاء الخلاف بين عبدالله وقويدر .. وبين جميع الطلاب والجماهير عموما

الزبدة :

اخيرا اللي حبيت اني اوصله .. بأنه كلا له نصيبه .. سواء في الفن او غيره .. ومتابعتنا للبرنامج هي للمتعة والترفيه .. فلا تحولوها لأزمة عربية .. لازم نحترم اراء بعضنا مهما اختلفنا في الراي .. ولازم نفهم انه مافيه احد فوق النقد .. ولافيه شخص كامل (والكامل وجه الله) ومهما كان حبك للشخص تقبل نقد الأخرين له .. بل ماهو عيب او خطاء انك تنتقد الشخص اللي تحبه .. مادمنا جميعا داخل نطاق ادب الحوار .. وبالعكس الردود السلبيه يمكن تؤثر على جماهيرية نجمك المفضل وتقلب الجماهير الأخرى عليه وابسط مثال منتدانا العزيز ..