{..رسمتك فرحة أيامي لقيتك هم يطويني..}
صفحة 1 من اصل 1
{..رسمتك فرحة أيامي لقيتك هم يطويني..}
توكل ياسبب كل الجروح وياشقى عيني،،
توكل دامها طيبة عليك النفس والنيات
وأبي تعرف ترى لا أنت ولا غيرك يبكيني،،
ماغير أمي..أبوي اللي غلاهم ساكن بالذات
أنا اللغلطان في حبك حسبتك ماتخليني،،
وأنا اللي كنت متوقع تجيني تكسر الضيقات
خلاص أبعد وأنا ببعد وماجاني يكفيني،،
روح دور على غيري وأبي تنسى زمان فات
أنا ما عدت مثل أول على كيفك تمشيني،،
تغير كل شي والله وصرت بعيني العثرات
وفيت وما أخبر إني جرحتك يامشقيني،،
وكذا مره من ايدينك شربت الضيقة والصدمات
تقط الكلمة وتسكت على أبونك تسليني،،
وأطوف لك ولا ينفع معاك الطيب والدمحات
بعدت وقلت يمكنك على غيابي تحاتيني،،
وأشوفك رحت ماتسأل ياعمري وين هالغيبات
عطيتك دنية أفراحي ولا حسبت لسنيني،،
ولا بين بعينك ليه أشوفك صرت لي آهات
رسمتك فرحة أيامي لقيتك هم يطويني،،
حسبتك ماتزل بشي لقيتك ممتلي زلات
حسبتك لي على الدنيا ليا شانت تخاويني،،
وإذا حجت حجايجها تجيني بطيبتك هامات
وأجي لك ناقل دمعي ودمعي حاير أبعيني،،
وأقول أنت ولا غيرك حبيبي تمسح الدمعات
وجيتك لعنبو دار السنين اللي قصت فيني،،
وطلعت تامن الردي تزرع على دربي شقى ونات
تشوف الكون وش كبره ترى ماعاد يعنيني،،
إذا حطيتك براسي أجيبك لوتروح اشتات
وأعلمك القسى وشلون.. أعلمك كيف تنهيني،،
وأخلي عيشتك سودا ولا ينفع رجا الأموات
ولا تقول إني عالنية وعلى رأيك تمشيني،،
أنا مجنون وجنيتي على اللي يستفز الذات
ولكن طيعني أبعد قبل تصحى شياطيني،،
لان لاضاقت بعيني أخلي دنيتك حسرات
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى